ஓபிஎஸ் அணியினரை கூண்டோடு நீக்கியிருக்கிறார் இ.பி.எஸ்.!நாடாளுமன்றத்தில் ஒரு அதிமுக எம்பியும் இல்லை!

   ம.பா.கெஜராஜ்,

   ஓபிஎஸ் அணியினரை கூண்டோடு நீக்கியிருக்கிறார் இ.பி.எஸ். அந்த வகையில் ஓபிஎஸ் மகன்கள் ரவீந்திரநாத், ஜெயபிரதீப் உள்ளிட்ட 18 பேர் நீக்கப்பட்டுள்ளனர். இது தொடர்பாக இடைக்கால பொதுச்செயலாளர் எடப்பாடி பழனிசாமி வெளியிட்டுள்ள அறிவிப்பு வருமாறு:- கொள்கை, குறிக்கோள்களுக்கும், கோட்பாடுகளுக்கும் முரணான வகையில் செயல்பட்டதாலும், கட்சியின் சட்டதிட்டங்களுக்கு மாறுபட்டு கட்சியின் ஒழுங்குமுறை குலையும் வகையில் நடந்துகொண்டதாலும், கட்சியின் கண்ணியத்திற்கு மாசு ஏற்படும் வகையில், கட்சி கட்டுப்பாட்டை மீறி கட்சிக்கு களங்கமும் அவப் பெயரும் உண்டாகும் விதத்தில் செயல்பட்ட காரணத்தினாலும், வி.என்.பி.வெங்கட்ராமன், இரா.கோபாலகிருண்ணன், வெல்லமண்டி என்.நடராஜன், எஸ்பிஎம் சையதுகான், ஆர்.டி.ராமச்சந்திரன், எம்ஜிஎம் சுப்பிரமணியன், எஸ்ஏ அசோகன், ஓம்சக்தி சேகர், ப.ரவீந்திரநாத், வி.ப.ஜெயதீப், கோவை செல்வராஜ், மருது அழகுராஜ், அம்மன் பி.வைரமுத்து, டி.ரமேஷ், பி.வினுபாலன், கொளத்தூர் டி.கிருஷ்ணமூர்த்தி, சைதை எம்எம் பாபு, எஸ்ஆர் அஞ்சுலட்சுமி ஆகியோர் கட்சியின் அடிப்படை உறுப்பினர் பொறுப்பு உள்பட அனைத்து பொறுப்புகளில் இருந்தும் நீக்கி வைக்கப்படுகிறார்கள்.

 கட்சியினர் யாரும் இவர்களுடன் எவ்வித தொடர்பும் வைத்துக்கொள்ளக் கூடாது என கேட்டுக்கொள்கிறேன். அவ்வாறு எடப்பாடி பழனிசாமி கூறி உள்ளார்.

  அந்த வகையில் நாடாளுமன்றத்தில் அ.தி.மு.க.எம்.பி இல்லாத நிலை ஏற்பட்டிருக்கிறது.